Ko juli 1992 berš ko vakti kana sine o mariba an i Bosna thaj Hercegovina, ulo jekh taro majdaravutne bibhtalipa thaj genocid upral o Roma ki diz Zvornik an i Bosna thaj Hercegovina. O mudaripa e romane familiake Ribič sine jekh taro matragično ratvalipa an o odova periodi.
Mudarde sine 6 džene tari familia Ribič, o dat i daj, o phral thaj trin phenja. Jekhutne dživdo ačhilo o Zija Ribič. Anglal te mudaren olen jekhe taro phenja taro o Zija sine majanglal silujmi pa palo odova mudardi. O Zija avdive dživdinel an i Tuzla, numa panda rodel o kokala taro ple trin phenja em duj beršengere phrale.
O Mehmed Mujič pendžarutno Romano aktivisti tari Bosna thaj Hercegovina notirinel kaj trebel i diz Tuzla, thaj i Federacia BiH te arakhen buti thaj normalno dživdipa e Zijaske sebepi so si le traume. kote avdive da si le ratvarina taro čhurika. . Olsek trubul te del pe normalno apartmani – kher dživdipaske thaj te čhivel pe ki buti. Odova trubul te šaj ovel le normalno egzistencia, thaj sar viktimi so si le traume taro maripa taro 1992 berš.
Odoja si savala so trubul te kerel pe akale viktimenge, so našavgje ple familien ko akava maripa.
