O Enver, Vera, Angelina si salde kotor taro nekobor romane čhave an o beograd so džana an i škola, si len sastipaskiri legitimacia thaj tato hajbe. Akaja storia si e čhavenge taro akava ofiso kote so avena a šaj palem te ovel phanlo thaj naaktivno.
Trujal olende nakhena a na dikhena len. neko thovel šoferšajbne, neko mangel devlenge a neko bibahtake drogirinela pe. Boljače. nange, melale čorole , dživdipa bizi perspektiva ko naformalno romane čorole mahale . sa majbaro numero akale čhavendar si akava than jekhutne so šaj avena.
O Enver, Vera thaj Angelina si trin taro 1024 romane čhave ko baripa so aven akate ki agorutni decenia.
Efta divesa ko kurko akala čhave taro margine avena akate hana manro . nangjovena, džana an i škola len than an o kreativno, edukativno thaj sportikane aktivitetia. Olencar si edukatori, pedagogo, pishologo thaj socialno bukajrno.
Akava si than so avena momentalno akale masekoske 250 čhave taro 5 dži ko 15 berša a o rezultatia si fakti.
„ Kana startujngjem te kera buti majabro numero taro čhave sine jurisdikciakere fantomia a akana 95% olendar si len personalno dokumentacia thaj si an o sistemo” vakerela o direkotier e centroske baši integracia e ternenge o Marko Tošić
