O Aškalie so dži ko nekobor berša angleder esapinen pe sar albanikane darhiencar taro Kosovakere Roma numa ola vakerena kaj ola si darhie tari Arabia.
O Aškalie vakerena kaj olengiri nacia legaren o anava tari diz Aškelon kote sar so vakeren aven ko VII veko.
Avdive o manuša arapsko darhiencar – Aškalie dživdinen bukvalno sar minjoriteto an o minjoriteto.
Sebepi identično čhib thaj religia buteder konektirinen e Romencar thaj Albanconcar a olengere arapsko darhienge but hari džanela pe.
Aso o informacie tari Matica e aškaliengiri , salde an i Vojvodina sisi pobuter taro 20.000 Aškalie. Ola keren lafi so si identično sar e albansko grupaja Gegia thaj si muslimania. Ola akcentirinen kaj bizo fakti so si čoro,e olen na havena len buteder thaj resen te sikaven i tradicia thaj o adetia e neve generacienge.
Olen but droma keren paralela aver naciencar. Majbaro numero olendar sine an i teritoria taro Kosov thaj Metohia , numa palo formiriba o Kosovo sar them olendar but našle peske odothar. But drima identifikujnen olen sar Roma muslimania. Ola dživdinena ko thana kote si thaj o Roma numa isi bare diferencie maškar akala duj nacie so lokheste dikhela pe. Ki čhib e Aškalienge vakeren kaj si forma arapsko čhib,a ko Roma notirinel pe o dialekto tari indisko thaj lokalno dijalektia.
Ola si diferentno thaj aso o folkloro, adetia thaj i muzika.
Aso o informacie taro disave Asociacie taro Aškalie salde an i Srbia isi 50.000 Aškalie trujal so ki agorutni statistikani operacia sar Aškalie deklariringje pe paše 600 džene.
Link: http://www.rts.rs/page/stories/sr/story/125/drustvo/250161/askalije-manjina-medju-manjinama.html
