Sar so si pendžarde maškar o istemalkerde manuša an o socialno netvorko taro FB an o agorutno periodo sar instrumento korkoro promociake thaj havljarin istemakeren grupa desave Roma so havljaren jekh forma Kongreso so kamen te keren an i Budimpešta , Ungaria ko thavdipa e masekoske juni.
Manginaja te oven dikhle thaj iranen i sama akcentea o romano publikumi odoja grupa manuša na dikhen ni forme ni tipo sar te resen te promovirinen pe.
Odoleske chidena ko zorale atakia prekal i majpurani, majbari thaj majrespektabilno romani organizacia IRU thaj olakere membria.
Olengiri “khelin” te keren “korkoropromocia ko desave neve lideria Roma” prekal FB ko plo lafikeriba ko than promocia elengere aktivitetia (kote ko jekh nane len logo, štembilo, agenda, diskusia thaj aver) ola fokusirinen pe an i devalvacia e IRU-ske faktea manginaja te keren nesavo olengoro nevo “IRU” thaj palo odova anglal i limia te sikaven pe sar “čačutne aktivistia e romane pučibaske”!
Ko si odola manupa? Jovan Damjanović, Jamie Sztojka, Bajram Haliti, Daniela Irina Hamidović Mugureanu, Stefan Palison -Kovi thaj aver. Kotor tari “odoja ekipa” si pendžarde purane igračia so ko nakhlo vakti ko aver organizacie so na sine len nesavo baro sukceso a aver čhane vakerdo si len bagaži sar “romane aktivistia so kerena buti pire personalno interesenge thaj personalno profito”.
Aso dži akanutno olengoro CV so lokheste ikljol kaj ko nakhlo vakti dži ko avdisutno dive keren salde haosi sebepi olemgoro personalno intereso.
Odola manuša si:
Jovan Damjanović – 70 beršengoro Rom, Srbia . Ov legarel pe sar Presidento an i Lumiakiri irganizacia e Romenge – Romanipen registraciaja an i Srbia.
Ko periodo 1999-2000 berš sine em minitero bizo resoro an o Govermento e R.Srbiake numa sar membri tari Srpsko radikalno partia kaskoro presidento si o Voislav Šešelj.
Taro 2000 berš sine thaj deputato an o parlamento an i Srbia. Saste oleskre mandatoske an o Parlamenti an i Srbia thaj oleskoro angažmano taro diskusie ko anava arakhiba e Romengere interesenge keren lafi thaj o statistike lende tari arhiva e Parlamenteske tari Srbia kote bukvalno ko mandato taro damjanović aso i statistika si:
Numero diskusie: 0
Numero dende propozalo amandmania : 0
Numero aplicirime amandmania: 0
Numero akceptirime amandmania: 0
Sa akaleske notirinen thaj o statistike an o akava linko: http://www.otvoreniparlament.rs/poslanik/7113
Ko sa oleskere eventualno kerde sugestie anglal o parlamentarno mikrofoni sine legarde ko buvljariba te buvljarel pe oleskoro personalno biznisi i reciklaža.
Bašo baripa odole organizaciake vakerel o fakti kote trujal so isi la prefiksi ” lumiakiri” olakoro agorutno ažuririba an o sajto so si kerdo angleder 2 berpa – maj 2015 berš . Kobor si “seriozno akaja lumiakiri organizacia” sikavel o fakti kote ko vakti taro jekh mitingo sar membria tari “Lumiakiri organizacia” sine: Jovan Damjanović – Srbia, Bajram Haliti – Srbia, Zlatomir Jovanović – Srbia, Isen gaši ‘ Montenegro, Muhame Uković – BiH, thaj i Ana Popović – Montenegro.
Akalestar šaj dikhel pe kobor oleskiri dži akanutni organizacia si “LUMIAKIRI”!
Sa akala berša napalal pobuter romane NGO tari Srbia aso olemgere vakerina ola si bibahtale thaj keren reakcia taro aktiviteto e Jovan Damjanović kaj o proektia taro Green Bizniso bukvalno adaptiringja ko ple personalno interesia oleskere bizniseske tari reciklaža istemalkergja te kinel makine thaj mehanizacia baši reciklaža oleskere bizniseske!
Akana akale aktivitetea e Kongresea an i Budimpešta phravde sikavena kote mangel te ovel jekh taro lideria akale neve organizaciake soske oleskiri “kherutni – lumiakiri “organizacia si an o margine!
