O Generalno sekretaro taro UN Antonio Gutereš angja decizia te formirinel pe fondacia so ka del suporto e Romenge, Aškalienge thaj Egupkjanenge an o Kosovo thaj Metohia te arakhel lenge arka so trubul vakerel pe ki vaktavin taro UN.
– Dikhibaja o fakti aso o notiriba thaj šartia an o Kosovo o Gen.sekretaro taro UN angja decizia te kerel pe Fondacia so ka implementirinel proektia aso asistencia majanglal an o Nord thaj South Mitrovica thaj Leposavić. Majbut benefit ka ovel e Romen, Aškalie thaj Egipkjania vakerel pe ki vaktavin.
Sar so si precizirime o proekti asistencia ka fokusirinel pe ko prioritetia taro majmarginalizirimi jekhin konektiribaja, sastipa, ekonomia thaj infrastruktura.
Maškar o aktia kote sar panel diskusia si dikhli sine i dendi opservacia tari grupa 138 persone tari Romani, Aškalisko thaj Egipkjansko jekhin so sine len seriozno toksikacia olovoja thaj aver so sine an o kampia ko Nord Kosovo.
Ki vaktavin si konluzirime kaj o UN ka kerel asavke panel diskusie te šaj ikavel o majšukar te čhinaven pe asavke aktia thaj ma te oven palem.
