Ko vakti e peravibaske o objekti tari Islamsko jekhin asisitiringje paše šel preperutne tari srpsko Žandarmeria vakeren o dizutne.
Membri tari komunalno ofisi angleder duj rakja paše ko 3 o saati javinate peravgje o objekti e Islamsko jekhinake an o Zemun Polje. Aso o dizutne o žandarmerie blokiringje sa o droma ko objekti thaj na mukhe e manušen te aven paše objekti.
Ko plo FB profili o muftia Muhamed Jusufspahić hramosargja kaj akaja asistencia avile deš busia pherdo policijaja.
“Peravgje duj etažia a mukhle jekh. Akana objekto nane funkcionalno ki sako forma soske akana o objekti si nastabilno thaj riziko e manušenge”
Akava akti kvalifikujngja ole sar “čhinaviba o hakoa e muslimanenge taro Beograd te ovel olen prio religiakoro objekti”
Ov akcentiringja kote ko dialog angleder kerdo e manušencar anglal te ovel peravdo o objekti, vakergje kaj akava problemi ka faisalkeren le prekal o dialog, numa i akcia sine kerdoi sar “nmaribaskoro plani” baro numero policajcencar.
O dizutne vakeren kana ale ko than peravibaske phanlo sine o šerutno imami e Medžlisa Zemun o Emin ef Zeknulahu. Palo oleskoro šuniba ov sine mukhlo.
Ko objekti sine notirime kaj ka ovel than sikljojbaske , mejtevi a an o Zemun Polje aso o vakerina taro Muftia dživdinen paše 500 muslimansko familie.
Link: http://balkans.aljazeera.net/vijesti/vlasti-tokom-noci-srusile-dzamiju-u-beogradu
