Avdive an o pervazia taro aktivitetia e Presidenteske an o IRU Zoran Dimov pali akharin taro Ambasadori e R.Italia an i R.Makedonia lergja dikhiba e Ambasadorea OE Karlo Romeo.
Ko vakti taro olengoro mitingo kergje lafi an i konekcia e aktuelno dikhibaja thaj i situacia e Romencar an i Italia. Maškar aver kergja pe lafi an i konekcia e bibahtale akteske so sine an o 10 maj akava berš ko romano kampo ko kvarti an o Rim kote ki čhivdi jag mule 3 persone taro romano nacionaliteto – čhija ko baripa taro 4 dži ko 20 berša. Ko odova kontesto o IRU persi kurko dži ki Ambasada an i R.Italia an i R.Makedonia bičhavgja reakcia.
Ki dži akanutni kerdo rodiaripa taro italiakere ofisia o informacie vakeren kaj akaja bari jag si čhivdi taro jekh jali buteder persone numa o motivia ajale akteske na džanen pe. Ko jekh o ambasadori dengja informacia akale akteske plo teleperavin dengja e italiakoro presidento o
Sergio Matarela, thaj o papa Francisko so tegani dengja apel te den suporto e bibahtale familiake so mule akaja bari jag.
Aso o lafia taro ambasadori Romeo ov dengja lafi kaj sa o informacia so ka resen ko maškarvakti ov taro italiakiri rog ko rodaripaskoro akti ka informirinel e Dimov.
Ko jekh o duj riga sikavgje hazrkeriba kaj majodorig ka ovel olen koonstruktivno butikeriba thaj respekto.
