Trujal so na odokhar ko baro numero o tikneberšengere prandina an i Makedonia isi panda, majbut ki romani jekhin. Sar faktori si naedukacia, tradicia, čorolipa thaj bibukjarnipa.
Ko momenti an i them nane but kerdo rodaripa so keren majseriozno buti akale probelmatikake. O UNICEF an o 2011 berš sine le rodaripe kote aso kote aso odova numero o terne čhija taro 15-19 berša so khuvgje an i prandin jali dživdinena barabutne an o ancionalno nivelo si 4%. Ko Albancia si 6% , ko Makedoncia 2% a ko romane mahale odova numero si 22%. O numero terne džuvlja taro 15-19 berša so bijange jali sine dovogende an o nacionalno nivelo si 3% a ko romane mahale odova numero si 18%.
Okova so si importantno an i prevencia akale situaciake si i anglovakteskiri thaj ko čačutno periodi pishosekusalno edukacia ko terne.
Vakeren kaj i seksualno edukacia trubul te ovel andardi ko tikne berša ko čhave te šaj informirinen pe baši odoja tema, em olakiri protektiva sar konsekvenca te sine len asavko problemi.
Themakoro ofiso e statistikake ko periodi taro 2011 dži ko 2015 berš notirinen tendencia taro periba akala formalno phanle prandina personen so si telal 20 berš baripa, em akava numero pohari tiknjarel pe taro 236 an o 2011 berš ko 156 prandina an o 2015 berš.
