Okova so džala peske tari them mukhel pali peste okova so jekh dive ka kerel te iranel pe napalal.
Ko 60-to berša lhere mukhena sine familie, khera. Ola akana iranen pe khere te hardžinen i penzia akate. Saste piro suno o phure divesa te nakhaven pire familijaja. Ko maškar vakti olengere čhave našena tari them a olengere unukia na keren piri dajakiri čhib.
Ola ndžana tari them salde soske nane buti. Isi but džene so majanglal ikljon tari buti , a palo odova džana avrial. Džana peske taro pšresie. Našen taro političaria, hohavne deputatia, korumpirano budžetaria, sudie, doktoria, mestime tenderia, mito korupcia, žurnalistia thaj avera.
Numa trubul te havel pe thaj o themakoro govrementi. Koja them na mangela te khuven lake avrune love . But devize ka aven an i them kana resen o penzie ko eura tari Francia, Austria, Germania, Švajcaria thaj kobor love ka anen o firme so bikinena tamikeribaskoro materiali te kerel pe jekh kher an i piri them? I diaspora faktički te anel jekh socialno siguriteti.
Numa akaja nevi generacia gastarbajteria na dikhen o bukja agjaar. Ola mukhen sa pali peste em džana peske. Olengere čhave na džanen e dajakiri čhib em na dikhen i them kote si biami thaj kotar avena, numa ola dikhen i them kotar so lena love thaj si len socialno siguriteto.
Ola phare kaj ka pheren o budđeto anglune bijande themake. Ola agjaar na dikehan i buti.
