Kana i nacistikani Germania kapituliringja an o 9 maj 1945 berš pakjala pe sine kaj o fašizmo si viktorime thaj o daravina taro konc logoria bašo eliminacia nikana majbut nane te oven.
Numa bibahtake ilustracie taro masovno limoria an i BiH an o 90-to berša zojrakerdo si kaj o fašizmo nane viktorime an o Dujto lumiakoro maripa.
Odoleske thaj avdive si nagarvdi promocia taro ustaško idee an o Jasenovac khediba taro četničko organizacie an i ost Bosna thaj aver khediba taro fašistikane grupe, a o strukture taro governo thaj institucie na keren ništo te na mukhen akala akcie.
Ko notiriba fašistikane simbolia ko javno thana, sar so si koncertia thaj sportsko manifestacie , nane sikavdi ingerencia kaj o institucie te čhinaven o eskalacie e fašistikane ideenge sa dži kote na ovel but kasno.
Ola havljarena kaj duj decenie palo ratvalo hulaviba e Jugoslaviake politikane anglal sa nacionalistikane strukture an i BiH “takjarena” i fašsistikani ideologia. Antifašsutikane monumentia zijankeren pe
a palem trainel pe thaj sar te del pe suportoe fašističko organizacienge thaj promocia tari natolerancia nujal javer nacie thaj etnikane grupe.
O majučo momenti taro fašizmi si lipar ko nadejbe džovapi taro Parlamenti an o BiH te lel kanoni so ka čhinavel o aktiviteti e fašistikane thaj neofašistikane organizacie.
