O Arslan Bajramovski (42) ki avgo percepcia si normalno higieničari so čulaveč droma so tromale kerel buti. Kana ka phiren prekal oleskoro reoni trujal i khangiri Sveti sava an o Beograd, šaj te notirinen kaj pohrai thaj bahtael kerela buti . Oleskere si i metla thaj i kanta thaj na iranel but pi sama ko trujalipa.
Kana majbut ka sikaven interes akale personake ka havel pe kaj an i oleste isi oaza taro džanlipa thaj intelegencia. Odova si o “amala o Arsa” bukjarno ko Dizjakoro ofiso baši higiena so agorkerela o fakulteti numa na ačhol odothe. Reslja leske propozalo tari firma te džal an o studie ko ekonomia thaj sine čače bahtalo. Sine leske vakerdo taro direktori soske šaj te čhivel le an i pozicia šefi an o sektori kana ka diplomirinel.
-Ka hohavav te vakergjum kaj sine mange sa jekh. Me nadžanav sine baši ekonomia khanči. maškarutni škola agorkjergjum angleder 20 berša. Na džanav sine dali si akava maneg. Numa mangav te sikljov thaj te drabarav, thaj pakajava sine an i mande kaj šak te kerav odova. Sine man motivo maj but thaj bukjarne poziciake kana ka agorkerav o fakulteti. I idea zamangljum la. odoleske astargjum man an i akaja idea. – vakerel o Arslani.
Oleske ačhon panda 3 ispitia dži ko diplomiriba an o ekonomikano fakulteti. Definitivno Arslan respekto thaj but sukcesi.
