Ko respekto prekal o Sv Gjorgji, Herdelezi si jekh taro majimportantno bare divesa e Romenge ko Balkani. Akava baro dive si jekh taro raritetno so respektirinen ole sar o muslimania Roma, agfjaar thaj o Roma – hristiania.
An i hristiansko khangiri , o Herdelezia – Sv Gjorgji perela ko 6-to maj numa o keriba o dive startujnela an o 5-ro maj . O muslimansko kotor taro Roma o Herdelezi avel taro anava hıdrelez khorani forma lafi , so si miksi taro Hızır thaj Ilija. Premal o legende ko mitingio maškar popularno pejkamberi o Hizir (arapsko El Kadr – “čajrale -zeleno”) thaj o proroko Ilija an o X veko sine starti tari nekanutno keriba baro dive khorano – anglonilaj.
O hzrkeriba e Herdelezeske satartujnela ko 5-to maj . Inače o khorane na-Roma na keren o Herdelezi.
Avdive o Herdelezi dikhen sar čačutno baro dive e Romenge an i Turkia. O Herdelezi sikavel o nacionalno religiakoro momenti thaj pohari i dogmatsko teologia, so si mukhle tari presia te keren pe diferentno utsavalkeriba thaj konekcia an i jekh super – religisko anglonilaj bizi diferenca ko diferentno religisko darhi.
O Roma keren pobuter akava dibe numa o na Roma, thaj lele la sar piri ceremonialno tradicionalno utsavalkerin thaj pakjiv
O Herdelezi kerel pe diferentno ko athinalipa savi grupa thaj religia si o Roma. Numa o nukte si jekh. Odova si utsavakerin e anglonilaeske thaj si nekobor divesa so nitirinela kaj avel o nilaj thaj anel baht thaj batvalipa. Ko sa keriba isi momolja, salčina thaj !devleskoro pani” so si sar simboli e dživdipaske thaj nilaeske.
Anglutne o duj grupe Roma muslimania thaj hristiania postinen sine anglal o herdelezi. Na sine lenge mukhlo te han bakhrano mas , thdu thaj kiral. Avdive o hazrkeriba startujnela ko 5-to maj . O kher si užardo. thaj dekoririme lulugja thaj patrinencar.
Ko 6-to maj o dive e Herdelezeskoro – savore uraven pe ko neve šeja. Sako romani familia kinel majhari jekh bakhro te šaj te čhinel pe an o javinakere saatia. O Muslimansko Gurbeti – Roma tari Makedonia (Kumanovo) o rat taro čhinde bakhre keren jekh linia ko čekat e čhavenge . Nesave Roma ko sofre čhivena trujal o hajbe thaj patrina em salčina Podesave grupe čhivena momolja, love thaj ko šingja e čhinde bakhreske.
