Enja romane familie resle o nakhtaria taro khera so arakhen pe ko pandž nevetamikerde khera an o gav Prekodolce an i komuna Vladiči Han.
Kerel pe lafi bašo socialno čorole familie kote barabutne si 40 džene.
Akala familie angleder duj berša ačhile bizo pire khera palo bare biršima thaj o periba e phuvjake. Kana notiringje pe i lokacia sine lendo an o percepriiba o neve objektia te oven paše i škola thaj ambulante.
O tamikeriba akale objektenge finansisko suporto dengja germansko organizacia, e Srbiakoro govermento thaj i komuna so arakhlja lokacia thaj mukhlja konektiriba e lokalno infrastrukturaja , vakergja o presidento e komunake Vladiči Han o Goran Mladenović.
O moldipa akale objektenge tari investicia si 208.000 eura kote i lokalno jekhin dengja 40.000 eura.
P nevekerde khera si len aparatia parni tehnika thaj mebeli. Trujal o droma, thaj hortikulturakere avlina thaj e majternen si len placo khelibaske.
„Savore barabutne ka da suporto akale manušenge te integririnenpe an o sasoitnipa” vakergja o sekretaro an o Ministeriumi baši sociala .
