Ola pobuter bešena an o kafičia thaj klubia , so si dopherdo borči, kote akaja populacia nane la but bare kapacitetia.
Ola ko vakti kana si bizi buti thaj nane len love so dejba love ikljojbaske an i romani populacia si raritetno soske odothe o love si ko šero e familiake. Numa kana počminen te keren buti odova si aver forma, tegani sako love si importantno kana konektirinel pe ko okola si si majčirile jali maškarutni klasa.
Okola o hari majbaravle thaj lačhe situriime thaj nane len egzistencionalno problemia tegani ola šaj te keren party an i sako forma. Ola odova na keren sako drom, numa kana kerena la keren la čače barvalikane , logilka so si ko buteder Roma so džala tari generacia an i generacia. Odolestar ikljon o pendžarde luksuzni thaj bare Romane biava, babine, sunetia, mature thaj biande dive, a ko nakhle decenie em o banketia kana džana sine an o askeri o terne Roma.
Odole momentenge o Roma šparinena , numa kana avela o momenti ola na ikerena o love so šparinegje o finansisko resursia.
Ko odova baro suporto den paše familia so si an o stranstvo thaj gastarbajteria. Khedel pe sasti mahala thaj terne em phure. Šaj i mangin si te sikavel pe o kerdibiliteti prekal akala bijava numa sare si bahtal, soske odothe aven saste paše thaj dur familia, manuša. Ko jekh akava barvalipa sikavel pe perekal organizirime veselbe maškar o Roma sar so si pendžarde o Romane balia.
