I situacia e Romencar an i Srbia si dur taro shukar nivelo, a i diskriminacia taro akava nacionalno minjoriteti si an o umalja tari edukacia, bukjarnipa, sastipaskiri protektiva thaj kherutnipa. Akava notirinel o prezidento tari Komisia bashi protektiva thaj jekhipa i Brankica Jankovic.
” Bersencar napalala si desavo progreso thaj anglunipa ko lacharipa e Romengere situaciake, numa trubul panda aver da lende aktia te resen pe importantno trampe, akcentirinel i Jankovic an i konferencia basho strateshko drumia te lacharel pe i situacia e Romencar an i Srbia.
Paradoksalno si kote an i kerdi anketa 40% taro dizutne gndinen kaj i Romani jekhin si majdiskriminirimi jekhin an i Srbia, numa na mangen e Romen te oven lenge komshie, amala jali kolege.
O Ivan Sekulic taro Ofiso basho manushikane thaj minjoritetengere niamia vakerel kaj i sasti resarin e neve strategiake si lacharipa e socio-ekonomikane statuseske e Romenge an i Srbia.
