Sako dive dikhaja romane čhave sar mangen devlenge. Ki sako doz ko frenkfentno thana ko dromna sako drom ka avel tikno Romano čhavo dela po vast jali ko kafičia maškar o misiafiria rodela hurde love. Odova majbut droma dikhela pe thaj formirinena jekh percepcia e Romenge.
Dali o manuša šungje bašo ” naučnikia taro čorole romane mahale thaj pirane khera”, ” talentirime hemičaria, doktoria, pravnikia, historičaria , IT programeria thaj aver Roma uče prosekoa agorkerde fakultetencar?”
Kana but droma ka kerel pe lafi šaj li i percepcia si e Romenge ka trampinel pe.
I edukacia si čače majsiguritetno drom vash sasti integracia, o arti si majšukare forma bašo kulturno definicia jekhe jekhinake.
Isi aver egzamplia sa okolenge so kergje a i avgo asociacia si o -Roma.
Sa akala egzamplia šaj te den formati bašo lingovakteskoro faisali e problemeske tari naciua so salde jekh drom an o berš liparen pe a odova si an o 8-to April -Internacionalno dive e Romenge . Ko odova dive den pe but lafia , numa an i praktika hari kerel pe buti.
Odova sikavela kote trujal sa dživdinen manuša so percepirinena sar lačhe giljavutne, muzičaria, denseria thaj aver, isi aver so si sukcesiale trujal sa o stereotipia thaj bariere sar akteria, doktoria, advokatia, profesoria, magistria thaj aver. Ola keren zori trujal bašo majlačhi avutnipa thaj odova nane privilegia bašo individualciua, numa niami savorenge!
Link: http://euinfo.rs/o-romima-iz-drugog-ugla/
