Jekh Rom sine mulo, a oleskoro čhavo phareste ratvardi kana ko 13 april akava berš sine marde tari bugarsko policia ko than Bohot uzal i diz Pleven , havljargja Swain Uber an i internet rig taro ERRC.
Dat thaj čhavo taro romano nacionaliteto si majneve viktimia e policiakere torturake an i Bugaria so surovo sine marde ko pašipa e vešake ko olengoro kher kana parkiringje piro vodron te khed kašta takjaribaske. Olenge ali i lokalno policia vakergja te pašljon an i phuv a plao odova margje len pendarkoncar.
O dat sine nasvalo taro ilo thaj sine le pejsmejkeri, mulo odothe ko than sar karana taro mariba. O čhavo reslja phare ratvarina an o sato trupo konektiribaja phage rebria thaj vast.
I policia vakerel kaj i akcia sine kerdi soske o marde persone sine arakhle čorde pesticidia thaj o dat em o čhavo maren pe sine e policijaja. I bugarsko policia ko jekh vakerel kaj o dat mulo taro infarkt kana našela sine , a na taro mariba. Numa i paše familia e viktimengiri vakerena kaj isi len fotografie kote dikhel pe kaj isi len ratvarina taro mariba thaj na dengje em na sikavgje nikaske dži akana. O oficialno rezultatia tari obdukcia panda nane sikavde.
I ridaruoa kerel thaj o Bugarsko Helsinško komiteto kote vakerel kaj jekh taro trin kotora anketirime persone kana phanen pe maren len kana astaren len jali palo odova ko policiakere stasionia.
Link: http://www.errc.org/blog/roma-lives-matter-bulgarian-rom-killed-for-possession-of-pesticides/168
