I šov membrengiri familia tari Milica Durmišević taro Bošnjaci kote trin si but tikne , paše duj masekoa dživdinen an i dar. Isi sapa an o sa o riga, ano saloni, spalna, hodniko sar ko horor filmia.
I Milica Durmišović akava notiringja dži ko policakoro stasioni , kote reslja lake antvorto kaj trubvbul te pučel dži ki komuna Lebane thaj trubul odova neko te pukjinel te šaj o sapa ikaven pe odothar.
I familia majodoriga dživdinel ko odova kher kote isi but sapa, soske nane kaj te džal aver thaneste. Bahtake panda na rezultiringja te hal nekaste o sapa nekaste tari familia ko akava baro numero sapa.
-Darav bašo siguriteto me familiake majbut e čhavenge soske jekh olendar si bebe, sasti rakj na sovava , dežurno siem me thaj mo čhavoi tari dar e sapendar ma te khuven ko kreveti kaj so sovena o čhave , daravutne vakerela i Milica, kote ko odova momenti bičhavgja apeli dži ko institucie , policia, požarnikaria thaj i komuna te den suporto te užaren o kher taro akala sapa.
Sebepi akava seriozno momenti, o komšie den suporto kobor šaj , e čhaven garavenna olende, numa daran taro sapa ma te khiven ko olengere da khera.
-Sako dive mudaraja po nekobor sapa an o olengoro kher, vakeren o komšie , so vakeren kaj kerel pe lafi e sapenge tari sorta – smok. Olende isi hazri lopate thaj kašta motike kana notirinen sapen reagirinena te našti te ratvaren nekaste. Ki akaja romani mahala an o Bopšnjaci si čačutno maripa e sapencar.
Линк: http://rominfomedia.rs/zmijarnik-u-porodicnoj-kuci-durmisevic-iz-bosnjaca/
