O Stefan Miler sar konsultati ko puliba e Romenge thaj Sinti kerel buti ko ofiso taro OSCE/ODIHR pobut taro 20 berša si ko targeti thaj faisali e romane pučibaske. Ov ko momenti si ko ofiso an i Ukraina, numa kerel sine buti ko diferentno thema.
Ov akana si pozitivno čalo tari Ukraina so kerela buti upral o romano pučipa an i akaja them. Ov vakerel kaj akanaske i startegia so kerel e Ukrainakoro govermento si ko pozitivno drumo numa trubul panda but te kerel pe te šaj te anel pe čačutno akti bašo keripa majodorigutne akcie kana si o Roma an o pučipa an i Ukraina
Kana startujngja ple butikeripaja i situacia e Romencar sine aver čhani. Ko pučipa soske baš e Romencar kerel buti, oleskoro antvorto si: “A soske te na kerav?” Dikhel pe kosavo hali si o Roma an i Europa thaj ko savo pharipa ola anen pe. Resav pherdo informacie e statuseske taro Roma an i Europa. But dromarav. Si ma informacie e Romencar taro sa o regionuia tari Europa. Sium sine an i Romania, Bugaria, Germania, Ungaria, Slovenia, Slovakia, Bosna kote ko sa o thana kergjum vizita e romane jekhinenge. Jas vo eden moment se čuvstvuvav kako onoj od filmot “Dilo Gadjo”.
O Roma kana avav sine olende te vizitkerav len ko olengere mahale, olengoro avgo pučipa sine “Ko si kava dilo gadjo?”.
Numa odoja percepcia si nakhli thaj akana sistematski khuvava ko problemia kote so arakhen pe o Roma ko akava kotor tari Europa. Trubul te kerel pe but buti te šaj nakhaven pe o bare problemia so arakhela pe i romani jekhin ko sa reonia.
Trubul sistematsko thaj sasto buti keripa baši eleiminacia. Love dena pe numa kote agorkeren odola love? Agorkeren li ko čačutno than. Odoja sistematizacia thaj koordinacia trubul te ovel majbare samaja. Sebepi čačutne čhivde lovencar ko odola fondia šaj te tiknjarel pe o problemi” sine o lafia so vakergja olen o Stefan Miler- OSCE/ODIHR konsultanto e Romenge
