O terno Alen Abaz taro Jurumleri – Skopje si čačutno fani e baksetbaleske. Ov pli manglin premal o basketbali sikavelal la angleder 4 berša. Startujnel te trenirinel an o basket klubi “Dream team ” taro Skopje.
Palo aver periodo oleskere ambicie thaj talento sine notirime taro basket ekspertia taro Aerdoromsko giganti MZT Skopje. Dikhena le sine pobuter taro duj berpa thaj angje le ki ternikani kategoria taro MZT.
I pozicia so khelela si dajani rog . Prosek taro dende poenia ko sako meči si upreder 15 poenia.
Oleskoro idoli si o basketdžia taro Klivlend Kavalirs Džejms Lebron thaj mangel te resel sukceso an i internacionalno kariera.
O Abaza vakerela kaj akava šaj resel trujal e talentea thaj but treningo thaj but buti ko sako meči.
„O treneria si čale so pohari ovava oformirimo igrači. Trubul mange majbut zori thaj džanlipa. Sa aver ka avel korkoro pestar. Pakjav kote jekh dive ka khelav an i reprezentacia thaj phravel pe mange internacionalno kariera” ambiciozno si o Alen Abaz , o romano basket talenti taro Jurumleri.
