Lačhariba o konekciemaškar o terne taro duj riga e Atlantikoske, vazdiba i gnd barabutne moldipaske thaj implementacia e principenge taro tromalipa si resarin e Inicijativake an o transatlansko konekcia Bendžamin Franklin prekal 60 sikle tari Amerika thaj Europa khedingje pe an i Amerika.
I Kjamile Fuad sikavel e Makedonia. Oj agorkergja maškarutni medicinakiri škola thaj kamel te oven doktori – jekh taro raritentno Roma tari Makedonia ani akaja profesia.
„I programa si but lačhi . Dromara ko pobuter dizja . Dži akana siem sine an i Filadelfia, Vašington. Ka dža thaj an o Vilijamsburg, so ka del amen baro džanlipa” vakerel o impresie tari programa thaj avgo vizita an i Amerika.
Trujal so si terne diferentno socio ekonomikane statusea isi len diferentno problemia, i Kjamila savoren si len jekh preoukupacia , edukacia thaj buti. Oj si optimisti e Makedoniake.
„Gndinava kaj i Makedonia džal angle ko akala berša, thaj deš beršenge ka ovel membro an i EU jekh a jekh nivelo aver europsko themencar” pakjala i Kjamila taro maškarutni medicinsko škola an o Skopje.
I incijativa “Bendžamin Franklin ” si pobuter taro šov berša thaj inspiracia tari filozofia e amerikansko političareske thaj diplomato so kerel sine zori an i religiakiri tolerancia, socialno mobilnost thaj tromalipa taro sikaviba.
I Kjamila thaj olakere kolege ačhola panda 15 divesa te oven an i Amerika . Vakerel kaj si aktivno an i realizacia olakere suneske thaj o suno olakere generaciake – i lumia te ovel majlačho than dživdipaske.
Линк: http://mk.voanews.com/a/benjamin-franklin-transatlantic-fellows-macedonia-
