Erati an i Kinoteka an i Makedonia mukhlja pe i perda taro akaleberšeskoro 15-to Filmsko festivali “Somnakaeskiri Rota” bašo 2017 berš . Ki ustavali atmosfera majanglal sine sikavde o duj agorutne filmia jekh lipardo sar omaž e akana mule thagarutnake tari romani gili i Esma Redžepova Teodosievska so sine taro revialno karakteri.
Ko agro sine sikavdo o filmi so relja akale beršeske o phursako Grand Prix ”
“Učharin e dživdipaskere storienge” an i produkcia taro NRC tari Makedonia.
O aver phursakoja gele sar majšikar režia “Asva ko rajo” – R.Bugaria Produkcia : Fondacia “Romiterna – niami ko dživdipa” Producento Hristo Hristov. Majšukar muzika “Miro manglo Sukule” – R.Turcia – Režia. scenario thaj producento Nedžla Osejran. Majšukar dokumentarno filmi – “Siferentno besede” – Ruska federacia, scenario režia thaj producento Tatjabna Čistova. O phurskao “Romani Dekada e filmeske “O trin phenja” – R.Ungaria an i režia Koščegi Edit, scenario , Koščegi Edit thaj Surani Andraš, Producento Surani Andraš.
Majšukar scenario e filmeske “Nataša” Produkcia tari Austria – Bugaria, scenario o Uli Gladik em o Grand Prix e filmeske “Učharin e dživdipaskere storienge” R.makedonia, Produkcia NRC režija Martin Davitkovski thaj scenario Irfan Mertez
Ko jekh sine dende jekheminuteskere vide diplome taro trin majsukcesiale sikle tari F.Š. Brakja Ramiz thaj Hamid diplome thaj aplauizia.
Ko jekh tari rig e direktoreske tgaro akava festivali o Zoran Dimov dengja em ekstra Diplome e bajram Severdžan bašo kergdo progresi e filemskere kinematografiake thaj o Safdet Kamber ko dopheriba džiakanutne afirmaciake thaj organizacia akale festivasleke. O festivali finasiko suportimo si taro Filmeskoro fondi tari Makedonia.
