O darhinalipa e Romengoro panda nane klar džande taro aspekti taro Rh faktori, thaj odoleske akala analize taro raterskere grupe si te anen majpaše percepcia kotar aven o Roma
Rateskiri grupa A – Akaja grupa majbut si la an i centralno thaj Ost Europa . Paše jekvaš populacia tari Danska, Norveška, Austroa thaj Ukraina si len akaja grupa.
Rateskiri grupa B si but raritetno an i Europa (paše 10%)numa majbut si la an i Azia . Paše 25% tari populacia an i Kina so si len akaja grupa, a ko jekh i rateskiri grupa B si la an i India thaj aver thema an i Centralno Azia.
Rateskiri grupa 0 si la an i sasti planeta. Oj majbut si maškar o Aboridžania an i Australia, o keltsko generacie thj majbut maškar i Romani populacia thaj ko jekh okola so dživdinen an i West Europa thaj Amerika.
E raterskiri grupa AB si majraritetno thaj oj si salde 10% thaj si la an i japonia, Korea thaj Kina a ano aver regionia si raritetnio.
O Rh faktori ko buteder manuša majthanjardo si o Rh pozitiv faktori. Ano regiono an i Amerika , Australia thaj paše 99% dži ko 100%. An i Azia odova procento si maškar 93% dži ko 99%. An i Europa odova procento legarela taro 83% dži ko 85%.
Majhari si ko Baskijcia taro Pirinei maškar i Špania thaj Francia thaj odova procento legarel pe paše 65%.
