Vorba ekstra ilustraciaja , specifično džanlipaja, te khedel ko jekh sa o vile, te ovel paše amare phraipaja, thaj te del gajreti amare chdidime ilenge thaj sako drom akate si te hulavel i loš.
Odola siem amen o Roma. Hulavde sakote an i lumia thaj sako peske sar storia. Storia so but droma dukhala, thaj mukhel duk ko ile. Amenge e Romenge džanena te vakeren kaj siem: čora, hohavne, na manga te kera buti, nasvale diline. analfabetoa thaj melale em aver? Vorbe so legaren pea but pharipa ko dumo so našti legaraja, thaj si bari barikada so našti najhavaja. Pučlem li amen soske si odova agjaar?
Dengjem li sama šaj li chida amendar asavki bilačhi ilustracia so isi amnge e Romenge? Odoja integracia thaj socializacia so dena la sako drom si čačutni opcia amare naciake? Kobor ola čače pendžaren amen te šaj den amen opvia thaj čače li mangena odova?
Isi li forma te sikava e averenge thaj korkoro amenge kote siam amen odola..Tipičćno Roma! Nacia barvale tradiciaja, historia thaj mangipoa dživdipaske. Amen na siem čora, hohavne thaj melale. Amen na rodaja bare plainja thaj barvalipa. Amenge si lače o del thaj pherdo čerenjencar, bari kovli umal čajraja, rakjakiri jag odova si amaro barvalipa. Odova si o apetiti amare tipično romane ileske.
Isi aver da pučiba so legarela ko jekh antvorto te šaj ikljol pe taro asavke situacie.
Manušalen, phraralen.odova si o lil, edukacia pdpva buvlo phravdo horizonti ko avutnipa. Odova si jekhutno drom so legarela amen dži ko horizonto sp la rođarel aver intenzivno kolorea , thaj zorale rošarela o majlačho avutnipa amare romane naciake, odola tikne čhavrenge , o mučime daenge, thaj o phari buti amare dadenge.
Palem oj si akate te ačhol savakteske palal amende, te legarel amen te del amen gajreti te lošarel amen thaj kheljarel amen. I muzika si sakote trujal amende. sa so trubul si salde te šune la. A akate si ko agor thaj okoja amari purani: deval! Mangav panda jekh drom te kere i lumia te kere than amenge da e Romenge!!
Fatoš Usainova – diplomirimo ekonomisto
Link: http://www.rromassn.org/2010/03/blog-post_22.html
