O Beočin si čačutno egzamplo tari religiakiri tolerancia. nane konfliktia, nahaljovipa vakerel o Mirsad Idović, presidento taro Džemaateskoro odbori.
Paše duj berša o preperutne tari islamsko religia an o Beočin si len piri džamia thaj ničale kerel ple religiakere savale thaj adetia. I džamia tamikerel pe sine pohari taro 90-to berša persi vekoske thaj agorkergja angleder 4 berša thaj taro odoiva momenti sako dive 5 droma namazi klajninela pe an i džamia . Trujal individoalno donacie taro manuša i džamia te ovel kerdi dengja suporto i ambasada taro Iran thaj o Lokalno legaripa, a ko jekh thaj o 1.000 Roma so si islamsko religijaja, sar so si akcentirime but si čale taro lokalno legaripa thaj olengoro trujalipa.
Sae so avkerela pe beršencar i preperutne taro aver religie tergjon lačheste, vakerel o presidento e Džeemateskoro odboreske o Mirsad Udović.
-Isi amen imamo thaj trubul te vakera kaj o suporto so dengja i komuna si but bari thaj amen o Roma taro islameskiri religia si amen amari džamia thaj na siem manuša taro dujto niće!
