Taro 1 januari 2016 berš alo an o takati i decizia ko trampe an o divesari e Europakere Krisoske manušikane niamenge so legarela pe sar te del pe aplikacia anglal o EKMN.
Konkretno o ande trampe an o niami 47 taro Divesari e Europakere Krisoske so legarel pe ki saikerin tari individualno aplikacia tari rig pravno persone thaj aplikacie taro aplikantia so si len advokati taro korkori starti e akteske.
Trujal so o trampe nane bare ola ka rezultirinen trampencar an o formulari aplikaciake dži ko EKMN. Taro 1 januari 2016 berš ka trubul te sitemalkerel pe o nevo formulari thaj naimplementacia e formalno šartenge zojrakerde aso o kanoni 47 taro Divesari e Europakere Krisoske manušikane niamenge ka rezultirinel odolea so ka iranen i aplikacia taro Kriso.
O nevo formulari baši aplikacia thaj buteder informacie ka lokharen i aplikacia anglal Europakoro Kriso manušikane niamenge so si havljarde an i veb rig e Krisoske
Video odoleske sar trubul te del pe aplikacia dži ko Europakoro Kriso manušikane niamenge
An o akava video spoti sikavel pe sar trubul te pherel pe o formulari te šaj del pe anglal o Kriso thaj odova formulari te ovel dikhlo tari rig e Krisoske. Iranen i sama kaj akava video korektno sikavel o importantno momentia sar aplicirinel pe thaj nesave informacie so valjani te oven ažuririme aso o neve dokumentia
