Efta masekoa sar iklilo taro phanlipa sine astardo o Lazar S (67), tari Brežda, Srbia. O manijako našlja kana i 16 beršengiri romani čhaj počmingja te del vika thaj te rodel arka.
An o cnetro e dizjake Valjevo an o drom Karadžordževa ko jekh than maškar i sportsko hala thaj o Ofiso e stomatologiake ov reslja e 16 beršengere romane čhaja tari Mionica so bahtake oj reslja te našel.
Oj počmingja te del vika thaj te rodel arka, so palo odova o Lazar našlja tari dar ma te dikhen le neko.
I čhaj akhargja policia thaj aso dende informacie taro LazarS. gele thaj phanlele.
Ko oleskoro thulo policiakoro dosie havela pe kaj si krisime dži akana bašo pherdo hurde čoriba , terori , mangiba te kerel seksualno atako, thaj kerde seksualno atakia.
O Lazar anglutne kerel sine buti sar kondukteri an i Buseskiri trnasportno kompania” Stela” taro Valjevo.
Sebepi oleskoro kriminalno dosie ov jekvaš taro plo dživdipa nakhlja ko phanlipa. Havela pe kote palo ikljojbe taro phanlipa nekobor masekoa kergja mangin te kerel seksualno atako upral desave džuvlja.
Palo oleskoro astariba akana si ko phanlipa thaj vazdime si akti sebepi akava kotor.
