An o historiakoro arhivo an o Pirot ko notiriba 60 berša taro plo aktiviteti arakhela but baro numero moldime dokumentia a ekstra si bare e lilea taro monaho taro Hilander taro 1842 berš.
Ko akava lil taro Hilander bičhaven mesažo dži ko Piročancia te iranen o lendo hilandirsko metoho an o Pazarsko khangiri so trubul sine te ovel škola. O liloro si majpurano orginalno dokumento so si an o Arhivi.
An o arhivi arakhen pe o personalno lila tari khangiri ko gav Dojkinci ki Stara Planina taro 1878 berš.
-E bugariakoro legaripa an o 1941 berš akala personalno lila sar nota revolti sa so si an i srbikani čhib thargje le. O gavutne te šaj arakehn o aver dokumenti, sa frdingje len an i len. Palo odova kana arakhlel len sine but zijankerde, numa sine kurtalime.
Akava dokumento si arakhlo an i dizjakiri deponia an o Piro ko 1950 berš tari rog taro desave Roma. O legarutne ko arhivi vakeren kaj si but garvasiale ko akava purano dokumento , garvasilipaja e Romencar.
