O dat e 21 beršengoro Andrias Redžepov taro Šuto orizrai so angleder štar divesa mulo asn o phanlipa ko Idrizovo ko lafikeriba bađo Civil Media vakerela kote si le šubikerin kote o phanlipaskere policajcia margje oleskere čhave thaj mulo.
Ov rodela urgentno te užarel pe i sasti situacia thaj te džanel pe čačutne sostar mulo, soske sar so vakerela isi faktoria taro anonimno phanlo so vakerel kote o “terno si mardo taro komandiria”.
„Me čhaveskere amala taro phanlipa havljargje mange kote mo čhavo si an o hospitali. Kana resljum te dikhav ole na mukhle man te dikhav ole. Kana geljum ko phanlipa an o Idrizovo vakergje amnge kaj amaro čhavo mulo, a odova sine šoko amenge. Amgleder duj divesa parungjem me čhave , numa akana mi godi džal ko aver 22 beršengoro čhavo so si an o phanlipa an o Idrizovo, darava leske da ma te keren khanči” vakerel baši Civil Media o Nehru Redžepov dat e mule čhaveske. Taro Europakoro Centro bašo hakoa e Romenge – (ERRC), Budimpešta vakeren kaj si mobilno akaja čipota e meribaja akale čhaveske.
„Resarinaja te užarel pe i sasti čipota o ERRC hazrkergja lil thaj tajsa ka ovel bičhavde dži ko institucie te roden urgentno oficialno informacie (saste raporto tari kerdi obdukcia , raporto taro krisari thaj forenzičaria, detalno toksikologikani raporti) thaj te kereč pe urgentno rodaripa dži ko odbusamno an i R.Makedonia te arakhel pe čačutni kompenzacia thaj suporto e familiake taro mulo čhavo.
O ERRC ka kerel majmobilno te dikhel sa o akcie te sine taro naprofesionalno keriba buti ka anel krsieskoro akti anglal nacionalno thaj internacionalno krisia” vakerel i Senada Sali taro Europakoro centro vash Romane hakoa (ERRC) Budimpešta.
Taro phanlipaskoro ofisi čhudena so o došperavina
