I bari jag so uli angleder nesave divesa an i šerutni diz an i Romania ko Bukurešt saste thabilo o Romano Kulturakoro muzei. I bari jag čipotingja pe ko 09.30 o saati aso lokalno vakti. O sasto objekti thabilo sebepi i bari jag. Ko than e bare jagake ale trin vordona, thaj lokaliziringje i bari jag.
Bahtake nane manušikane viktimia, numa kerdo si baro materialno zijani.
“I jag si lokalizirimi thaj nane šajdipa te buvljarel pe. Odova ulo ko magacini kote sine thaj aver materiali. O than so sine o materialia sine baro upreder 150m2. Odothe sine mebelo, kompjuteria thaj aver ofiseskere mebelia. Bahtake nane ratvarde. Salde jekh 25 beršengoro manuš sine lokheste ratavrdo an i men. O objekti sne pherdo dumanea thaj jagaja” – vakergja o Daniel Vasile, bukjarno ko mujaljagakiri brigada an i Bukurešt.
O karane baši bari jag si napendžarde
