„Kamav o čačipe te dikhelč pe, aver na mangava khanči” vakerela i Džemile Redžepova, i daj taro 21 beršengoro milo phanlo Rom o Adrian Redžepov.
I Dežmile Redžepoba ikerel i fotografia ko vasta taro piro 21 beršengoro čhavo so mulo ko savato rakjate. I daj e mule čhaveske vakerela kote ake duj berš o duj čhave si phanle bašo jekh kriseksoro akti. Jekh ka ačhol panda 8 berša ko phanlipa, a o aver čhavo angje le mulo.
O aktivisti bašo hakoa e Romenge , Gege Demirovski vakerela kote akana upral o mulo jerdo si terori. Aso oleste o akana mulo terno čhavo sine mardo taro policajcia ko phanlipa, a palo odova čhivgje le zorea te piel hapia thaj predoziringje ole., kote so palo odova mulo.
Aso i policia o akti si notirime an o 22:00 časo an o savato tari rig e komandireske taro Phanlipa Idtizovo. O aver phanle sine barabutne an u oleskiri kelia, kote so arakhle le sar pašljola.
Vordoa tari Urgentno medicinakiri arka sine legardo an i klinika baši Toksikologia , kote sine konstatirime meriba. Palo dendo dekreto taro Sasto kriso , o trupo si dendo an i obdukcia.
Taro phanlipa an o Idrizovo prekal vaktavin vakerena kote udžarena o rezultatia tari obdukcia soske alo dži ko meriba. Taro phanlipaskoro ofisi čhudena o mujal kriseskere aktia kaj e medicinakiri arka na ali an o vakti, a naoficvialno vakerena kaj o Rom na mulo odolestar kaj sine mardo.
O Andrea Redžepov sine an o phanlipa ande aktea 12 berš phanlia bašo diferentno došperavibaskere aktenge.
You tube: https://www.youtube.com/watch?v=YXxcyq7P2lU
