An o 15 avgusto e televiziakoro kanali France 4 sikavgja dokumentarco anavkerdo sar: ” Ko darala taro Roma?” snimimo an o 2009 berštaro Džon Pol Lepers.
O Le post hramosarela an i francusko čhib: O Dokumentarco so šaj sikavel pe sar but moldime akale problematično vaktenge kana o političaria angje faisali te čhiven e nomadsko jekhinake (francusko) anglal sasti holi.
But angleder kerde idee so si kerde olenge panda ko starti e vaktenge (amen sar manuša so o dživdipa nakahvena bešipaja jali sar so notirine len sar “gadjes”)keren te palkaja kaj ola si čora , melale thaj čorole.
Čače ola nane sar o aver manuša thaj ko anava olengere tromalipaske ignorirnena desave kanonia an o akava sasoitnipa. Numa i them kerel li respekto e kanoneske so si konektirime akale pučibaske?
Si li o dekreto taro Beson so sikavela kote o dizja kote isi buteder taro 5.00 manuša trubul te arakhen than akale nomadsko naciake sine nekana respektirime? A 10 berš palo odova?. Salde 20% taro dizja implementirinen o kanoni a o aver phagen akala kanonia bizo desave konsekvence.
