Kana phanela pe i prandin thaj o dživdipa an o naformalno jekhin maškar persone so si telel 18 berš baripa, sar fenomeni si beršencar napalal, kote direktno teleperavel pe o procesi an i edukacia e tikneberšengere personenge, limiti ko šajdipa baši socialno integracia, kerel riziko taro sastipa thaj kerel pe najeriengoro egaliteti.
O Multi – indikatorsko klastersko rodaripa implementirime taro UNICEF an o 2011 berš aso o numero taro terne džuvlja ko baripa maškar 15-19 berš so khuvgje an i prandin jali dživdinen ki naforlamno jekhin ko nacionalno nivelo si 4%, ko Albancia odova si 6%, ko Makedoncia 2% dži kote ko Roma odova nivelo si 22%. Majodorig o numero taro terne džuvlja ko baripa taro 15-19 berša biangje jali momentalno dovogjende ko nacionalno nivelo si 3% dži kote ko romane mahale odova nivelo si 18%.
O ministeri baši sociala ko 2012 berš ko notiriba e Internacionalno diveske taro džuvljane čhija vakergja kote 14 mile prandina kote ko beršeskoro nivelo isi an i Makedonia , 13% si maškar paria so si telel 18 berš thaj ko majbaro kotor taro kerde prandina si kerdo e tikneberšengere čhaencar so si tari romani populacia.
