Akaja interesno storia sine jekh augustovsko dive an o 1969 berš. Nekobor masekoa anglal i premiera e filmsko maribaskoro spektakleske “Neretva” ko Dedinje sine organizirime specialno proekcia e filmeske salde e maršaleske.
Sine notirime kaj o Tito ka zapendžarel pe e saste filmsko ekipaja – šminkeria dži ko artistia, salde na o Orson Vels, soske čačutne našti sine te avel.
I akharin sine ko jekh thaj e Pavle Vujsić so ko filmi khelel sine i rolja taro šoferi Jordan. Duj uniformirime oficiria ale te len e pendžarde aktere taro oleskoro plavi an i len Sava kote direktno angje le ko dedinje, kote so udžargje le džuvlja so valjani sine te den le neve ceromonial šeja odole momenteske. Ov uravde sar so sine ko normalno šorcia, pharvdi mornarsko gad, thaj papuče so sine melale., o Pavle Vujsić na mangel sine te uravel “pingivnsko sako”
“Me na trubul te kereav khanči. Me ka iranav man an i ada” vakerel sine o Pavle Vujsić . Akaja bilačhi komunikacia sine hari majlungoneste, so kana sine an o Dedinje šungja o korkoro Tito. Tegani ov khuvgja ki garderaoba, a savore traingje. Tegani o Pavle Vujsić irangja pe e Titoske em vakergja: “Rajo Tito , tumare šoferia ko vakti maribaske, legaren sine gada em mašne. Dena aman te uravav akala šeja, a savore džanena kaj me ko filmi khelav e špfere Jordan”
Vakerela pe palo odova kaj o Tito asandilo, alo dži ko Pavle grabujngja ole thaj gele an o aver than. So keren sine andre lafi niko nadžanela. Jekh momenti o kelneri legargja lenge jekh flaša viski.
I proekcia harinel sine hari, a o Pavle Vujsić nikana na vakergja so ulo odova dive. odova sine leske avgo thaj jekhutno dikhiba e Titoa.
