I 29 beršengiri aktivistka e romane pučibaske i Ana Mirga, ko plo dikhiba notirinela kaj si sa buvleste o stereotipia an Europa upral o niamia e romane džuvljake. Oj notirinel kaj asavke problemea arakhel pe thaj o polsko romani džuvli.
Prekal olakere lafia an i Polska trubul te tamikerel pe relacia taro dialoge na Romencar te šaj kerel pe konekcia an o amalipa thaj kosiba o stereotipia. Te šaj čhinavel pe o antiromani percepcia thaj o seksisizmo, si bari buti. Majanglal trubul o mediumia te kosen taro plo šero te sikaven e Romen sar nabukjarne, kriminalcora, thaj te den niami e romane džuvljake olakere roljake sar an i famnilia agjaar thaj ko sasoitnipa.
Ko jekh i Mirga si studenti kote pli misia kerel jekh a jekh tretmani maškar i romani džuvli thaj o murš ko sa o thana, kultura, emancipacia, arti dživdipa thaj aver. Oj notirinel kaj trubul te kerel pe than bašo solidariteti .Trubul stigmatiyacia e saste romane jekhinake. Ma te targetirinen pe o romane džuvlja sar persone so bešen ko kher thaj keren buti, jali sar persone so bešen ko droma thaj mangen devlenge.
I transformacia si pharo procesi numa trubul aktivno buti thaj majbari kampanja.
