Pali lumiakiri premiera persi berš an i Venezia ov ko sig vakti ka resel thaj an o akala sinema . Trubul li te dikhel pe akava filmi? Oja!
O snimiba e filmeske sine startea taro 2013 berš thaj sa čhinavibaja sine lungo 50 kurkesa . Akaja informacia sikavela kote o Kusturica sine le sasti kontrola upral o filmi, thaj snimingja sa okova so manglja – barvali filmsko ekstravagancia so saste kerel refleksia e režisereske, sa okova so sine le an o šero.
Taro tehnikano aspektoi e filmeske si le but lačhe domenia sar so si (fotografia, montaža, scenografia, garderoba, sa odova efektno muzikakere ilustraciaja kerdi taro čhavo e režisereskoro o Stribor Kusturica) dži kote majbari sama trubul sine te iranel pe an o nesave kompjutersko efektia (ki scena e sapea kana marel pe e heroencar) thaj o miksi taro toni (ko zorale tonsko kadria, phareste šunen pe o replike – so nane te ovel baro problemi okolenge kote isi translacia e filmeske).
O filmi An o Thudeskoro drumo, si bizi konkurencia majlačho filmi taro o Kusturica akale šelberšipaske- Trubul li te dikhel pe? Definitivno!
