Romancia keren sine babina an o jekh špansko restoranti , thaj koordinirano prastandile thaj iklile bizo te pukjinen o ceho an o restoranti. I precizno operacia kergje la bizo te han o deserti taro meni.
O gazda e restoranteske o Antonio Rodriges vakergja kaj i “evakuacia” uli ko vakti tari pausa kana del pe sine maškar o hajbe thaj o deserti.
– Sa ulo ko roko tari jekh minutia. Ola odova planiringje thaj iklile taro restoranti sar stampedo. . notirinela o gazda o Rodriges.
O misafiria angleder pukjingje 900 eura, hale o anglohajbe, thaj o šerutno hajbe taro meni, a pile upreder 30 flaše alkoholi, angleder te han o deserti taro jekh drom čhinavgje sa thaj iklile, odolea so ačhile borčlie panda 2.000 eura.
I policia dži akana na astargja ni jekhe taro akala misafiria, a o gazda vakerela kote ko oleskiri džianautni 35 berš profesia, asavko khanig na dikhlja panda.
