O avdisutnipa iskreno thaj realno si but phare. Phari taro sa aspektia. Ko anglutne desave periodia kote sine akala dizutne thaj i paralela akanuitne situaciaja si diferentno. Šaj ko nakhlo vakti na sine desavo komodacia numa funkcionirinel sine odoja anavkerdi – maškarutni klasa!
O bizibuti jali ake so si i majbari tragedia so arakhaja amen si jekh taro but bibahtale momentia avdive okova momenti kana rodena love tari daj thaj taro dat.
Ake panda jekh majbari tragedia keren na jekh numa duj bukja. Na dživdinen desavo ekstravagrdno dživdipa , na kinena nesave kuć garderoba, thaj si tumen desavo normalno vordon an o plini.
Majbaro luksuzi si jekh drom ko masek te džan ko teatar jali kino. Hana normalno hajbe, pazarinena ko eftino marketia, dikhen o moldia ko detergentia e šeenge, roden nešto majeftino sar so si jekvaš kilo teleško mas.
Te rezimirina , o teleško mas si luksuzi. Džanaja kaj si sasto , ama dža kin le sako kurko. Luksuzi si thaj jekh skromno nilaeskoro dajanilipa- odmor.
Dživdinaja normalno dživdipa hovavipaja kaj preperaja ki desavi maškarutni klasa, a čače trujal sa o sima ma te frda amencar e love, soske siem borčlie dži ki guša, ko krediteske, ko kreditno kartica, ko minus tari plata, a ko borči ko trin odola bukja.
Amen siem čorole odova si čače.
Našti jekh naplanirimo borči sar so si posavdi guma , rumimi mašina šeenge jali duj nevebijanipaskere parti ko masek, ka frdel amen taro koloseko thaj našti ikljova ko agor e masekoske. Nane fer te dživdina salde te šaj pukjina o smetke thaj hajbaske. So ovel amre resto dživdipaske?
Kere zori , nmane so te ha, soske to baripa pelo majtele, batingja tuke nekote ko terne berša thaj suno bašo šukar avutnipa. O jeria sar te oven ko gotovs, džanena tut šukar em dikhen tut ko jakha o problemi.
Olengiri mangin premal tute avel ko buteder forme, sar so dena tut love so si majbut fenomeni an i akaja them.
Ka iranav len tumenge vakere a rovel pe tuke tari muka. O ilo dukhala tut, batine ki phuv tari ladž soske dikhe tut sar nasukcesi an i decenia. Džabe ker buti, džabe ma beš.
Sar šaj ma te ačhol tut ništo ko masek? Kote si o problemi?. Nane tut desave kuč čizme, tašna, parfemia kote te džan odola pusto love.
