Inertno rodaripa, uči korupcia sebepi politikane konfrotacie an i Makedonia, doskriminacia e Romenge thaj bilačhe šartia e migrantenge. Akava o Amnesti Interational kerel sumarumi an i Republika Makedonia ko nakhlo 2016 berš an o majnevo raporto e situaciake e manušikane hakoenge an i lumia.
O Amnesti International vakerela kote o manušikane hakoa an i lumia si telel daravin sebepi o političaria so istemalkerena sar “toksično thaj nahumano” retorika mujal etnikane jali religiakere minjoritetia , resarinaja te zojrakeren pli poltikani takati. Ko beršeskoro raporto havljardo, o generalno sekretaro akale organizaciake Salil Šeti notirinela kote ” deiba dar ulo riziko takati e lumiakere bukjenge” kote keren kreacia taro hulavdo thaj riziko lumia.
O globalno trendi tari majagresivno thaj politika hulavipaske sine ilustririme tari toksično retorika an i kampanja taro Donald Tramp , numa o politikane lideria ko diferentno thana an i lumia kerel fundamenti pore legaripaske keribaja lafi tari dar, šubikerin thaj hulavipa, vakerela o Šeti.
