Ki bešin e Konsiloske e dizjake Skopje o delegatia angje propozalo o Javno transportno kompania – JSP te funkcionirinen e buseskere linie 9 thaj 19. Akava si kotor taro lende buteder trampe an o akava javno transporti.
E buseskere linie 9 thaj 19 persi masek sine čhinavde bizo te anglohavljaren. Akala linie majbut istemalkerena len o dizutne taro Šuto Orizarri thaj Topaansko pole. O dizutne sine revoltirime kana e themakere linie sine čhinavde thaj rodena sine te iranen pe soske si importantno thaj normalno funkcioniriba e dizutnenge. Okola so istemalkerena o busia 9 thaj 19.
keren sine bibaht soske o privat busia na ikeren pe sine aso o plani transporteske , thaj narespektirinen sine o aktia aso elektronsko kartice thaj udžarena sine but vakti an o buseskere stasionia.
Anglutne udžara sine 7 minutia busi , a akana udžaja po 20 minutia. Čhinavibaja akala linie kergje kana sine majšudro. Nadžanaja soske angje asavki decizia numa angje but problemia e dizutnenge, soske o linie 9 thaj 19 si ničale pherde.
Si thaj bari frekfencia. Aso i decizia so angja pe o linie 9.19 thaj 22 ka ikeren len o JSP thaj o privatno transporto. Trujal odova i linia 12. 20, 23, 45 thaj 73 saste ka oven privatno a o aver linie ka oven taro JSP.
