Angleder duj masekoa an o Kosovo korkoromangle irangje pe panda štar romane familie – 18 džene so anglutne 16 berša sine akomodirime an o migranstko kampo an o Konik 2 an i Podgorica.
Palo olengoro iraniba , o Kampo Konik 2 nane pobuteder ni jekh migranstko familia thaj reslja sa o šartia te phanel pe akava kampo so si an o pašiša e dizjakere deponiake, vakeren taro Ofiso so kerel opservacia e migrantenge taro UNHCR.
“O Kampo Konik 2 sine putardo an o 2000 berš suportoa tari Agencia taro UN migrantenge UNHCR thaj i humanitarno organizacia World Vision, sar nakompletno faisli vash thanjariba 60 romane familie so našle taro Kosovo an o 1999 berš. Ko starti realizaciake akale programake ko iraniba an o Kosovo dži kana korkoro irangje oe 3.000 persone so resle sa o siguritentno thaj socio – ekonomikano šarti te stratujnen e dživdipaja ko thana kotar so avile.
Ko jekh 44 romane familie atro akava kampo akomodacia kergje ko agor persi beršeske an o objekto ko Vreli Ribnici so si kerdo an o IPA proektia finansirime tari EU ” vakerel pe ki vaktavin taro Ofiso vaši akomodacia e migarntenge thaj o UNHCR.
