Asavki decizia sine andi angleder duj kurkesa an o Komunakoro konsilo sar nukta an i Agenda ” Propozalo – decizia te del pe pativ e Beršeskere planeske ko bukjarnipa an i Komuna Kumanovo bašo 2017 berš”.
Aso akava akti i komuna akava berš prekal specialno plano bašo bukjarnipa an i komunakiri administracia kote an o plani si te khuven ki buti 48 neve persone, aso etnikano preperutnipa olendar 21 ka oven Makedoncia, 12 Albancia thaj 5 Roma.
An i akaja decizia o konsiliaro tari romani jekhin o Ašmet Osmanovski sikavgja napativ akcentea e Romenge an i Makedonia panda an o 2005 berš ko vakti kana premiero sine o Valdo Bučkovski so sine ando akciono plano baši buti e Romenge taro 2005 -2015 berš, numa odova dži ko dive avdisutno odova tergjol salde an o lil, kote notiringja kote taro 1945 berš dži avdive an i administracia an i Komuna Kumanovo nane an i buti ni jekh Rom.
– An i komuna Kumanovo , ko agorutne 6 berša si angažirime salde jekh Rom thaj odova sar translatori an o Komunakoro Konsilo thaj ov si angažirime sar honorarco thaj pukjinen le salde 1.500 denaria an o sako kerdo mitingo – vakerela o konsiliaro Ašmet Osmanovski.
An i bešin ko than taro eks presidento an o Konsilo o Maksim Dimitriveski so ko maškar vakti ulo Deputato an o Parlamento notirime si envo konsiliaro, Samet Salievski tari Romani etnikani jekhin kote akana an o Komunakoro konsilo an o Kumanovo isi duj Roma – konsiliaria, so avdive tari sasti populacia an o Kumanovo, naoficialno than lena paše 6% diferenciaja taro agorutni statistikani operacia vash i populacia kana o Roma an o Kumanovo sine 4.2% taro sumarimo numero dizutne an i akaja diz.
