Angleder jekh berš thaj majbut kana ale ko neve khera nekobor romane familie , o udara taro nevekerde aprtmania an o Stanojević, komuna Čaplina si phanle a o hercegovsko baralio bairi si mulano.
Akava tikno gav tari Čaplina si dur 25 kilometria kote so o gavutne keren buti sar agrari thaj stoka. O Romane familie o dživdipa an o kartonsko khera trujal e dizjakiri deponia trampingje neve kherencar. Numa sar so dikhela pe pobut taro milionia eura thaj sa o dendo suporto taro EU , UNHCR thaj i komuna Čaplina na sine but vash olengiri sasti integracia an o sasoitnipa.
“Amen so irangjam amen dengje amen salde duj motokultivatoria, a ola resle po efta jali ofto thaj sa bikingje olen soske na kamen te keren buti. Sako “freza si paše 500 eura a isi len thaj neve vordona bašp transporto e čhavenge, neve khera, mebeli thaj akana sa si mulan. Akava si ladžavo” vakerela jekh gavutno taro akava gav Stanojević.
O tamikeriba e apartmanenge akale čorole romane familinege si kotor taro proekto ” Akcia e Romenge# , a pandž khera an o gav Stanojević gejnena pe an o barabutne 149 aprtmanengere jekhina so si finansirime paše 2.5 milionia eura , a i loklano jekhin – komuna Čaplina dengja jekvaš milionia eura.
Baht thaj utsavalkeriba ko vakti ko deiba o nakhtaria thaj akomodacia an o neve thaj siguritetno khera an o noemvri 2015 berš, but sigate pelo o morali, a o neve gavutne an o Stanojević i baht thaj majodorig rodena la – an o aver thana.
Link: http://freshpress.info/vijesti/milioni-uzalud-potroseni-zasto-su-romi-napustili-svoje-nove-kuce/
