O Rajko Dukić, si direktori e kompaniake Boksit an i republika Srpska. Ov si pendžardo soske si le interesno kodekso. Jekh taro odola leskere – kodeksi si kote o bukjarne trubul te drabaremn 4 lila so ov hramongja olen. Ov i decizia havljargja an o oficialno sajto e kompaniake. I lista e lilengiri si “Tri uspješne priče – Trin sukcesiale storie”, “Veliki brat- O baro phral”, “Milići u pet priča – O Miliči ko pandž storie” и“Postdejtonska vlast i bezvlašće ili hronika jednog vremena – Postodejtonsko legaripa thaj anarhia jali hronika jekhe vakteske”.
Ov si ko putardo maripa sa e mediumencar an i republika Srpska, thaj sa oleskere reakice resle krisia thaj piro lil so bičhavgja dži ko Presidento an i R.Srpska sine havljarde an o sajto.
Numa akana sig an o sajto arakhlja pe thaj poezia so hramosargja la o direktori! Numa nane akcentirime kaj trubul sa o bukjarne te sikljon la. E lilenge ov organiziringja testi te kontrolirinel olengoro džanlipa.
O Dukić si pendžardo thaj kerel globa okola so pien dahani an i kompania, thaj sa okola so piena dahani tiknjarel i plata. O love taro odola globe kanalizirinel le an o lačharipa e sastipaskere šartenge e bukjarnenge. O bukjarne so si ki buti ko limitirimo periodo, si le ekstra konsekevnca. Dela len roko taro 2 masekoa te čhinaven pijba dahani a te na kergje odova ov čhinavel o kontrakto bukjake.
Agorutni havljarin taro Dukić sine i vaktavin kote vakerela kaj ki oleste o bukjarne khuven aso procedura, thaj te kergja neko nesave “intervencie” nane te den suporto.
Trujl so sa akava si sar naseriozno, i kompania sukcesiale funkcionirinela saste 57 berša thaj si jekh taro majimportantno kompanie an i R.Srpska. Sar prodesionalno angažmano thaj aktiviteti an i kompania si : transporto, tamikeriba thaj artikliriba hajbaske.
http://www.vrabotuvanje.com.mk/news/najludiot_direktor_na_balkanot
