O fakti si kaj o Roma taro Vranje si puranevakteskere bešipaja , numa majbaro numero olendar si len nafaisalkerdo jurisdikciakoro – imotno pučiba thaj anne notirime an o katastari. O Plani vash detalno urbanizmo panda nen ando , vakerel o Zvedan Ramić taro Romano kulturakoro centro an i Vranjska Banja.
O Roma ko majbaro numero dživdinena an o 4 majbare romane mahale sar so si Gorna Čaršia, Panagjurište, Odžinka thaj Romano bairi, a isi aver majtikne mahale sar so si o Ogoš, Burdinci thaj Saglanci. O oficialno numero aso i statistika an i terioria e dizjake dživdinena 4657 Roma, numa o Romano NGO sektoro notirinela maškar naoficialno 6.000 thaj 7.000 Roma.
Majbaro kotor olendar an o romane mahale trujal o Romano bairi so nane le pšanjeskiri thaj kanalizaciono netvorko si o nasafaltirime droma . trujal so si paradoksi kaj o Roma si majphurder dizutne odothe nane len privat ploipa e phuvjake ko kerde olengere khera.
“Karana odoleske si sosoke o Roma so dživdinena an o margine e sasoitnipaske thaj sako drom si inkluzirime odoleske so nadžanen o informacie kaj trubul te keren legalizacia thaj dokumentacia te šaj faisalkeren akala problemia.
Najbaro kotor olendar si analfabetia thaj bizi edukacia em čorole thaj na džanena i provedura sar te legalizirinen i phuv” vakerla o Ramić.
Aso oleste i politikani presia šaj khelel importantno rolja odolea so o Roma akana si eln membro an o komunakoro ofiso thaj pakajana kaj ak faisalkerel pe akava da problemi so si dživdipaske importantno.
Линк: http://www.vesti.rs/Vranje/PARADOKS-Romi-starosedeoci-zive-u-nelegalizovanim-kucama.html
