O bare thaj pendžarde germaniakere industria thaj kompanie so deceniencar sune an o lumiakoro marketi thaj sukcesiale garaven sine piro bilačhi historia thaj piri bibahtali rolja an o nacizmo. Numa i kali historia an i korelacia e Hitlerea ikljovela an o dikhiba.
Pakjavutne nane persona so jekh drom na lele Aspirin, Coca – Cola , buteder isi len Opel, BMW, Wolfsvagen, Ford vordona, uravena šeja taro Hugo Boss, uklen ko elevatoria tari
Thysen-Krupp, kompjuteria IBM jali o siguriteto taro Alianz.
Numa but hari olendar dengje pe godi kaj odola kompanie nekana ko ple funkcioniriba sine lukrativno konekcia e nacistencar thaj personalno e Hitlerea.
Ola istemalkeren sine thaj maribaskere phanle sra bukjarno takati ko odola okupirime thema. O Hitler te avel thaj ačhol kosar lideri direktno sine nekaste taro gazdia akale kompaniaenge.
Maškar o kompanie so si len majbut dendo štembili si i gazda taro Wolfsvagen o Ferdinard Porshe . Ko 1934 berš dikhlja pe e Firerea te phanen kontrakto e detalenge taro nacionalno vordon so trubul sine ma te ovel kuč te šaj sako len vordon thaj aerodinamično . Odoja sine i Buba.
Direktno konekcia ko konc logoria thaj nacistia sine e kompania vash siguriteti Alianz. Olakoro gazda sine ministeri vash ekonomia an o Govermento e Hitlereske thaj praktično ov reslja o sasto bizniso bukjaja vash siguriteto.
Majbut odolea so o Alianz sine siguritetno kompania e saste Jaudiengoro imoti sine pukjime sako kerdo ziani kerdo taro askeri e Trinto rajhoske.
I majbrutalno askerreskiri jekhin taro Hitles i SS divizia sine uravde an o Hugo Boss, a o Adolf Dasler kerel sine o menie e askereske thaj e ternenge taro Hitler. Palo odova o Adolf Dasler putargja i fabrika Adidas.
O BMW vakerela kaj ko thavdipa e maribaske istemalkergja 30.000 bukjarne so sine phanle tari hitlereskiri rog a o historičaria vakeren kaj sine 50.000. Ola keren sine aeroplaneskere thaj tenkovsko motoria.
Dopherdo , o majbare kompanie an o USA (General Motors, New Jersy Oil thaj aver) so keren sine o gaso so mudaren sine an o konv logoria ko gasno komore. Jekh taro majbare farmacevstko kompanie (Bayer) so kerel sine sintezirime heroino sar drab- iljači mujal o šero dukhavina.
I fabrika Siemens sine len fabrika an o pašiša taro Aušviz thaj len sine bilovengere bukjarne so artiklirinen sine telekomunikaciakete aparature e askereske taro Hitler.
Link : http://infomax.mk/wp
