Aso o informacie tari Jekhto čhavorikani ambasada an i lumia “Megjaši” 18.500 čhave an i Makedonia si ikavde tari fundavutni edukacia, a 30% olendar si bizo jeria thaj jeriengiri opservacia.
Telal i presia taro akala faktoria kotor olendar ovena sar čhave ačhavde an o droma. I Makedonia but phraeste ikljol an o agor e čorolipaja thaj socialno inkluzia akale kategoria dizutne.
O čhave anglaledukaciakoro periodo so si but hari uravde thaj mukhle dende vaste mangena devlenge taro aver manuša majbut ko restorantia thaj droma. Asavki ilustracia šaj te dikhel pe an o sako thana an i Makedonia, a majbut ko zorale ferkfentno thana jali semaforia kote akala čhave nakhavena po dive , korkoro jali pire jeriencar.
Jekh taro agorutne rodaripa taro Nacionalno ombdusmano e situaciake e čhavencar ko droma an i Republika Makedonia sikavela kote an o 17 dizja an i them tegistririme si 233 čhave an o drom.
Majbut čhave an i asavki situacia si an o Skopje, palo odova avena Bitola, Kumanovo, Veles, Gostivar thaj Kičevo. Maškar olende isi thaj bebia taro nekobor masekoa thaj odova si an o Veles, Prilep thaj Gevgelia, a o majbaro si 17 berš. Aso o informacie tari jekhto čhavorikani amabasada an i Lumia Megjaši paše 2.000 čhave an i Makedonia o dive nakhavena an o drumia taro supstandardno thana.
Maškar o čhave an o droma majbaro numero olendar si Roma (50,2 %), palo odova Makedoncia (38,4 %), Albancia (5,7 %) thaj Turklie (4 %), akcentirinen pe an o Multidisciplinarno protokolo an o Ministeriumi bašo buti thaj sociala an i implementacia e čhavenge an o droma an i Republika Makedonia.
