I Republika Makedonia so multinacionalno them so si pherdi diferentno kulturencar , adetia thaj tradicia. Numa maškar sa o nacionalitetia isi bari dsitanca. I distanca majbut droma dikhen pe o rezultatia taro diference maškar o čhibja, kultura, phare ekonomikani situacia thaj o diference an o mentaliteti maškar o jekh thaj avera.
Majbaro faktori baši i bariera si o predrasude. Ko jakha e Romenge o Makedoncia si sikavde sar manuša pherde predrasude mujal olende, a e Albancon kaj si but natolerantno mujal olende. O Albancia pak e Makedoncen dikhen len sar sebično, arogantno thaj irame manuša. Maškar o Makedoncia si len percepcia e Albanconge sar agresivno nacia , keren korupcia averenge thaj si naeducirimi nacia. O makedoncia thaj o Albancia e Romen na dikhena sar grupa so šaj seriozno kerel desavo eventualno problemi.
Kerde si baro numero an o ankete tari rig e NGO sektoreske an i Makedonia odole pučibaja si li etnikane bariere maškar o nacie. Baro numero anketirime Albancia si len zorali presia thaj impresie kaj ola keren sa o aktivitetia te ovel len šukar relacia e Makedoncencar, numa o Makedoncia na mangena odovaSar faktori so na mangen odova majbut si sebepi o karkateri thaj mentaliteto an o Makedoncia sar pluralno nacia, thaj mangena em dikhena pe sar ” nacia so si la majbare privilegia ki paralela e aver naciencar “.
