Nikol Barisi si romani čhaj isi la salde 13 berš, kote edvaj džala sine ki škola. Numa sa odova trampingja pe jekh dive ki škola Essex an i Bari Britania, kote i čhaj sikljola sine thaj sine prosečno siklo. Numa olakere nastavnikia primetingje kaj si but talentirimi, numa palo odova so olakiri daj insistirinel sine ki olende kaj oj si but gogjaver. Dengje la te položinel Mensa testi thaj dikle kaj isi la pobaro IQ taro duj genialcia Alebrt Ajnštajn thaj o Stefan Hauking.
O naušnikia vakeren kaj oj preperel ko odova 1% majintelegentno manuša an i planeta. Olakoro koeficienti si 162 thaj duj majbut taro Ajnštajn. “Olakiri intelegencia taro sako drom sine fakti. Džanel sine matematika kana sine la duj berš.
Oj sikljol matematika thaj mangel te ovel akterka, a sikljola thaj kinesko čhib” – vakerel olakiri daj. Olakoro dat o Džejms isi le 36 berš, lerel buti sar higieničari thaj dživdinela ki kamp prikolka hulavde tari tikni Nikol, ov vakerel kaj si but gordo upral pli čhaj.
” O manuša vakeren but bilačhe lafia e Romenge, em anen decizie prekal i korica e lileskiri a na upral o lil”. E tiknje romane čhijake ko ni jekh na pakjal sine upral olate, akahan si akhardi ko Oxford univerziteti. Oj vakerle kaj mangel te studirinel medicina. Ko prosek jekh persona isi la IQ 100, a sako numero upral 140 dekhen le sar genijalco.
