Nekana o Skopje sine hulavdo an i dajanali rig e lenjake Vardar thaj sine len zorale hulavde mahale. Jekh taro odola mahale sine i Topaana, jekh taro majbare ko odova kotor e dizjake. Ki turkiakiri čhib Topaana si magacino topenge. Ki akaja mahala isi thaj majbaro kotor Romano kvarti. Dži ko phuvjakoro tinaniba odova sine majčorolo kavrti an i diz. Locirimi maškar o drom Samoilova, ko upruno kotor , o drom premal o Ilinden kasarna thaj o drom Džon Kenedi thaj i mahala Dukjandžik.
Trujal so si čorolo kvarti isi interesno bukja so trubul te liparen pe. Sa o dizutne so dživdinen but lungo vakti akate vakerena kote nane sa jekh “sorta” numa hulaven pe an o Madžuria – avutne, Bartudžie – korkoro anav vakerela. Gurbetdžie so sikavel kaj na džana sine an o gurbetluko , numa ko paše gava te keren buti thaj bikinen sine artiklia.
I Topaana ko dur vaktia sine hulavdo ko duj kotora ko teganutno drumo tetovo – Kačanik kote ko agor e mahalake hulavel pe sine ki agjaar anavkerdi Tetovakiri Trošarina.
E phuvjakere tinanibaja an o 1963 berš na sine so te peravel pe an i Topaana numa jekh kotor sine peravdo e phuvjaja thaj ko odola thana kergje pe moderno apartmania urbano thaj komunalno strukturaja.
O teganiutne dizutne sgele an i Šuto Orizari. O resto tari mahala ačhile odothe sar so sine , numa e vaktea startujngja te trampinel pe. Kergje pe khera, thaj akana da tamikeren pe neve avdiveda.
